ئایسلەندا چونە ناو یەکێتی ئەوروپا رەتدەکاتەوە
لە ئەنجامی راپرسییەکەدا کە 30 ئاب لە ئایسلەندا ئەنجامدرا، زۆرینەی هاوڵاتیانی ئەو وڵاتە ڕەتیان کردەوە کە حكومەتی وڵاتەکەیان دەستبکاتەوە بە گفتوگۆ بۆ چونە ناو یەکێتی ئەوروپاوە.
تەلەفزیۆنی فەرمی ئایسلەند بڵاویکردەوە:52.5% ی بەشداربوانی راپرسییەکە دەنگیان بە نەخێر داوە بۆ دەسپێکردنەوەی گفتوگۆکان لە گەڵ یەکێتی ئەوروپا.
رەتکردنەوەی ئایسلەندا بۆ پەیوەست بوون بە یەکێتی ئەوروپاوە بۆ ئەو مەترسیانە دەگەڕێتەوە کە هاوڵاتیانی ئەو وڵاتە هەیانە لە پەیوەند بە سەروەری نیشتمانی و کەم بونەوەی دەسەڵاتەکەی بەسەر کەرتی راوە ماسی دا.